When Jagdeo, Ashni and Brassington go about talking to China and India about investment all dem was doing was flying dem mouth. Dem was looking fuh crooks.Dem meet plenty crooks all over wheh dem fly and visit. Dem meet some international conmen in India and China and tie up deal wid dem. Dem boys seh that dem lie down in bed wid dem and dem don’t want to know wha took place in bed. Dem want to know wha took place after but everything is secret.If de Waterfalls paper didn’t expose Bai Shan de nation woulda never know how much of de country forestry woulda disappear wid de Chinee.Bai Shan ain’t got forest permit licence but it shipping out more wood than dem who got licence. Dem also move into gold but dem declaration is secret.Sun and Sand from India come fuh put down a five star hotel. Dem boys seh that de star pitch because Guyana is yet to see de sun and de sand.Dem had a big ceremony fuh de hotel. Donald only go deh fuh tun a spade and get he photo in de media. He nah know nutten bout de deal and if you ask he all de man does do is tell you fuh ask Jagdeo.Remember when dem reporter ask he bout de Anil tape he seh fuh ask Anil.Wha Donald don’t know is that all of dem people wha Jagdeo bring does operate like whore and prostitutes.De prostitute does come fuh do one thing in you house but dem eye deh pun you gold and diamond in you wardrobe or in you pocket. That is wha Bai Shan and Sun and Sand do.People dont bring money fuh give way. If dem come fuh invest dem got to see a way fuh mek money.Dem boys know that de hotel was a pappy show fuh de Marriott. De cost was to justify de cost of de Marriott. Jagdeo did seh that if de Marriott was not a good deal Sun and Sand would not have come.But all of dem had a plan. De plan was just fuh seh dem gun build a hotel fuh mek de Guyanese people feel nice that de Marriott was worth de money wha spending,Jerseys NFL Cheap, when in fact dem want go in de bush fuh clean out de gold and diamond.Sun and Sand foot barely touch Guyana and dem deh in de bush. Bai Shan too. But thank de Creatah fuh malaria. Dem gun run and lef de gold right deh.Talk half and watch how Guyana getting use.
