Wholesale Jerseys rd3rhnop
| Provocation does lead to plenty thing, including murder. De French magazine provoke dem Muslims because de editors feel that dem got a right to seh wha dem want, when dem want and how dem want.Well de Muslim dem seh that dem also have a right to do wha dem want, when dem want and how dem want. Everybody know de result.Even de Pope know that freedom expression got limits. When dem reporter ask he bout wha dem Muslim do, he seh that he Personal Assistant can expect a punch in he face if de man tell he bout he mother. And that is de Pope who does preach love, peace and understanding. But even de Pope seh that is eye pass.And dem boys seh that some MP eyes pass dem. Dem collecting big, fat salary every month. Dem also collecting travelling money and dem don’t go nowhere, not even to dem next door neighbour; entertainment money and dem don’t even buy a Banko wine fuh dem neighbour, telephone money and dem don’t even call dem mattie MP. For three month now dem nah do nutten and dem got de nerve to seh that dem deserve more money.Valerie Lowe, Cathy and Moses who part de back dam trench, seh that dem boys exaggerate. Dem seh is not $166,000 a month as was reported. Dem did want de nation to believe was less. Well dem boys got news for dem. It wasn’t $166,000. Dem was right. Was $180,000 a month. Thanks fuh de correction.Some of dem gone past $200,000 and some gone past $400,000.Dem boys dare dem fuh send out dem pay slip let de nation see.Dem not-wukking MPs who seh that dem love pensioners and poor people getting 14 times wha dem old people does get. Dem does sit down home and get dem fat, fat cheque. Dem poor old people got to tek rain and sun,Sale NFL Jerseys, and nuff shoving, pulling and tugging in long line fuh hours for a mere $13,000.Nuff time de post office doesn’t got money and dem pensioner got to go back de next day. Dem boys hear when de old people go back de next day, some MP does send dem thiefing family to rob dem poor old people.Dem boys seh that if MP can lie, wha ‘bout an ordinary citizen like Ram. He been in a bar in Queens drinking wid two of he buddies. He tell dem how much he love he wife. Then he start fuh cry. Dem boys hear he cry a lang time.He friend tell dem boys that de crying stop when two White man wid suit and tie walk in and sit down near to he. De next thing de friends look down and see he pants front soak.Talk half and be careful because Parliament got some lying MPs. |
