NFL Jerseys Clearance nqkf0rkm
| De law never fair. De makers design it to suit de rich, famous and powerful. Rich people does always get de shortest sentence fuh a crime while poor people does got to serve de sentence fuh demself plus fuh dem same rich people who get a light sentence.De whole Mazaruni and Lot 12 serving jail sentence fuh crimes that de bald head scamp Jagdeo, and that fat crook, Brassington, commit on Guyana.Dem students who get a government scholarship and sign a contract fuh couple thousand dollars does get stop when dem try to lef de country. Since dem go to de airport somebody does tek dem passport and go in a room to see if dem deh pun some list.But Ash Deonarine tek$27.4 million without asking anybody, then walk through de airport and jump on a plane. Nobody didn’t stop him.Now dem want him fuh de money but de man deh far. This was de same man who did promise to give dem back dem money but that was when he was in Guyana.Brassington is another one who jump pun a plane and lef. He too was being questioned about millions of dollars wha he spend all over de place and can’t account for. When he was in de country nobody didn’t even think about searching he house. As soon as he lef,NFL Jerseys China, dem start fuh watchman he house and then dem raid it.Brassington now deh in Florida singing praises to Jagdeo. This was a man who start out as book-keeper wid Jocelyn. Jagdeo did want a book-keeper who wasn’t too bright to control money, so he put de fat crook to control NICIL.Brassington shift money like how dem does shift punt in a cane factory.De whole country hoping that he come back to face de charges that Soulja Bai gun put on him in a few days time. But dem boys know that he ain’t coming backThis is de same Brassington who sue de Waterfalls paper fuh $100 million like if wha he did tek wasn’t enough. Dem boys seh dem gun settle; dem gun pay him de hundred million without contesting but he got to come home to contest.Dem would provide transportation and outrider from de airport.Talk half and hope Soulja Bai and Rum Jattan change de law to suit all. |
